Siðareglur starfsfólks Glætunnar

Siðareglur starfsfólks Glætunnar

Starfsfólk Glætunnar fær leiðsögn í og undirritar eftirfarandi grundvallarreglur sem skilyrði fyrir því að starfa fyrir og í nafni miðstöðvarinnar: 

Í starfi mínu fyrir Glætuna mun ég gæta þess að:

• virða mannhelgi og vinna af heilindum við að vernda velferð þeirra einstaklinga eða hópa sem ég vinn með;

• líta á það sem frumskyldu að vernda og virða einkalíf  þeirra sem ég vinn með, hvort heldur þátttakenda eða starfsfélaga, og greina ekki frá trúnaðarupplýsingum sem ég fæ í starfi mínu;

• umgangast starfsfélaga af virðingu, kurteisi og sanngirni og sýna þeim og þátttakendum í starfi Glætunnar háttvísi;

• mismuna ekki þeim sem ég starfa með á grundvelli kynþáttar, lífsskoðana, aldurs, kynferðis, líkamlegs atgervis, þjóðernis, kynhneigðar eða félags- og efnahagslegrar stöðu;

• sýna fagmennsku í starfi og tilkynna stjórnendum Glætunnar og eftir atvikum viðeigandi yfirvöldum siðlausa hegðun eða brot gegn réttindum barna og ungmenna;

• viðurkenna takmörk mín og bjóða ekki þjónustu eða beita starfsaðferðum umfram hana.